Kalender for Oppstryn

Med forbehold om endringar. Manglar eit arrangement? Tips oss på denne sida.

Opa brannøving
mai
14.

Opa brannøving

Opa brannøving på Kirkeeide samdrift

Brannvesen, politi & ambulanse

Vi inviterer til fagmøte med fokus på brann i landbruket. Tema for fagforedraget er førebygging og beredskap. I tillegg blir det gjennomført brannøving med skadde personar og evakuering av storfe.

16.30 - Parkering ved Nedstryn kyrkje
17.00 - Matservering frå Nortura
17.30 - Fagforedrag ved NLR, Gjensidige og Flo brannsikring
18.30 - Storskala brannøving ved brannvesen, politi og ambulanse

Det blir moglegheit for kontroll av brannslukkingsapparat ved NLR. Innlevering av apparat ved Nedstryn kyrkje frå kl. 16.30. Obs! Sjekk alder på apparat før innlevering!

For spørsmål om arrangementet kontakt Oppstryn bondelag på 97653572

Vis arrangement →
17. mai feiring i Oppstryn
mai
17.

17. mai feiring i Oppstryn

11:00 Festgudsteneste i Oppstryn kyrkje

11:45 Markering ved bautaen ved Oppstryn kyrkje

12:30 Folketog frå Hjelle Hotell

  • Stryn musikklag

  • Tale for dagen ved Vidar Stavik

  • Program

  • Leikar

  • Kafe

20:00 Festkveld i Oppstryn Grendahus Trudvang

  • Hjelleklang

  • Sketsj

  • Musikk og danseinnslag

  • Premiering for dagens aktivitetar

  • Utdeling av Bygdeprisen

  • Lynlotteri

  • Kafe

Vis arrangement →
Strynefestivalen
jun.
13.
til 16. jun.

Strynefestivalen

I juni samlast ski- og brettkøyrarar, syklistar, klatrarar, padlarar, turfolk og ikkje minst publikum til ei langhelg spekka med opplevingar og utfordringar i eit av Noregs vakraste naturområde.

Dyktige instruktørar held kurs og clinics innan klatring, kajakkpadling, elvepadling, sykling, SUP, ski/brett og tryggleik. Du kan delta på korte og lenger toppturar og du kan melde deg på Folven River Race i Stryneelva! I tillegg blir det sosiale aktivitetar og ein solid fest på Folven Camping!

Strynefestivalen vert arrangert av Fri Flyt sine magasin: Fri Flyt, UTE, Klatring, Terrengsykkel og Landevei.

strynefestivalen.no

Vis arrangement →
Bondepub på Mølla
apr.
27.

Bondepub på Mølla

Velkomne til Bondepub i Erdalen Bygdemølle!

20:00 Kort fagøkt:

  • Norsk Landbruksrådgjeving snakkar om klimaarbeid

  • Orientering om talgrunnlag og nye gjødselsforskrifter.

21.00: Pizzabuffè, kr 200 pr person

Open pub og sosialt samvær utover kvelden. Alle som et mat og likar landbruk er velkomne!!

Påmelding til Ingvild Berge 99036070 innan onsdag 24.04. Det er begrensa med plassar, tør du vente?

Arrangør: Oppstryn Bondelag

Vis arrangement →
Bygdemøte: Stryn mot 2035
apr.
11.

Bygdemøte: Stryn mot 2035

Stryn mot 2035

Har du tenkt på korleis samfunnet i Stryn skal vere i framtida? Som innbyggjar får du no moglegheita til å påverke samfunnsdelen av den nye kommuneplanen. For å bli den kommunen vi ønskjer å vere, må vi ha nokre mål og planar å strekke oss etter.

Kommuneplanen legg grunnlaget for korleis vi ønskjer å ha det i framtida. Den inneheld tema som er viktige for oss i vår kommune. Målet er at vi i fellesskap skal skape framtida for Stryn kommune. 

Kvifor er kommuneplanen sin samfunnsdel viktig for meg?

Kommuneplanen er viktig for deg som innbyggjar fordi den legg rammene for alle tenester Stryn vil tilby dei neste åra. Til dømes kva for slags fritidsaktivitetar og kulturtilbod kan vi tilby i framtida? Korleis vil dine foreldre eller besteforeldre ha det på sjukeheim? Korleis vil du bu i framtida? Og korleis kan vi få nye arbeidsplassar, innbyggarar, studentar og besøkande hit?

Framtidsmøte

På framtidsmøte håpar vi å få innspel frå deg. Her skal vi diskutere utfordringar og moglegheiter for kommunen og plassen der du bur, jobbar og lever. Det vi kjem fram til her, skal nyttast til arbeidet med kommuneplanen sin samfunnsdel for å setje mål for framtida, samt strategiar på korleis vi skal nå måla.

Vi ønskjer å høyre frå deg, og håpar å sjå deg der!

Sett av datoen allereie no! Oppstryn 11. april, Trudvang, kl 19-21

Arrangør: Stryn kommune

Vis arrangement →
Kurs: Beskjæring av frukttre
apr.
3.

Kurs: Beskjæring av frukttre

Oppstryn Bondelag og Oppstryn Bygdekvinnelag inviterer til kurs i stell og beskjæring av fruktre 3. April 18:00 i hagen til Fosnesvegen 13.

Mark Watkins og Nils Dårflot deler kunnskap og erfaring.

Det blir enkel servering og vi ber derfor om påmelding på sms til 990 36 070 før 1. April.

Vel møtt!

Vis arrangement →
Årsmøte Oppstryn IL
mar.
6.

Årsmøte Oppstryn IL

Årsmøtet avhaldast den 06.03.2024 kl:20.00 på Idrettshuset på Hjelle.

Saker må vere inne innan 22. februar.

Sakspapir finn du her.

SAKLISTE FOR ÅRSMØTE

  1. Godkjenne dei som har røysterett

  2. Velje dirigent

  3. Velje protokollførar

  4. Velje to medlemmer til å underskrive protokollen

  5. godkjenne innkallinga

  6. Godkjenne saklista

  7. Godkjenne forretningsordenen

  8. Handsame årsmeldingane frå idrettslaget

  9. Handsame rekneskapen til idrettslaget, den økonomiske meldinga frå styret, meldinga frå kontrollutvalet

  10. Handsame forslag og saker - Ingen innkomne saker.

  11. Fastsetje medlemskontingent. Styret foreslår å halde fram med medlemskontingent tilsvarande: - Barn 0-5 år: gratis,- Barn 6-16: 100kr, - Vaksen: 200, - Senior: 150kr

  12. Vedta budsjettet til idrettslaget

  13. Handsame organisasjonsplanen til idrettslaget

  14. Gjere følgjande val:

    1. styre med leiar, nestleiar og styremedlem

    2. kontrollutval

    3. representantar til ting og møte i dei organisasjonsledda der idrettslaget har representasjonsrett, eller gje styret fullmakt til å nemne opp representantane

    4. Valkomité

    5. Styrer til dei ulike undergruppene

    6. Resterande val

Forretningsorden

Pkt. 1

Årsmøte blir leia av hovudstyret sin leiar.

Pkt. 2

Vald sekretær/protokollførar fører protokollen. Protokollen skal underteiknast av valde medlemmar seinast 2 veker etter årsmøtet.

Pkt. 3

Dirigenten kan forkorte taletida, samt sette strek etter behov.

Pkt. 4

Personar som deltek på Teams stemmer ved å skrive «for» eller «mot» i kommentarfeltet.

Vedlagt følgjer følgjande dokument:

- Idrettslaget si årsberetning og gruppeårsmeldingar

- Regnskap i revidert stand

- Forslag og saker

- Styrets forslag til budsjett

- Valkomiteens innstilling

Desse dokumenta vil bli skrive ut og lagt ved på årsmøtet samt vere tilgjengelege digitalt

Ved spørsmål om årsmøtet, kan Oppstryn IL, eller Lasse Hjelle kontaktast på Las.hjelle@gmail.com / 90662969.

Med venleg helsing styret

Arkiv frå styret i Oppstryn IL finn du her.

Vis arrangement →
Åsmøte Opppstryn Bygdeutviklingslag
feb.
29.

Åsmøte Opppstryn Bygdeutviklingslag

Velkomne til årsmøte i Oppstryn Bygdeutviklingslag (OBUL) 2024 i Grendahuset 29.02.24 kl 19.30.

Servering.

Saker:

  • Korleis skal vi sørge for at det bur folk i husa året rundt?

  • Ny nettside for Oppstryn, Ann Helen Blakset orienterer.

  • Vanlege årsmøtesakjer.

  • Ymse

Innkomande saker til årsmøtet må vere styret i hende innan 8. februar.

Styret Oppstryn Bygdeutviklingslag

Vis arrangement →
Miniatyrskyting
feb.
13.

Miniatyrskyting

Oppstryn Skyttarlag har miniatyrskyting i kjellaren på Stryn Kulturhus annankvar tysdag kl. 19:00.
Skyttarlaget held våpen og ammunisjon for medlemmar. Vi har og skytejakker tilgjengeleg. Medlemskap for barn/ungdom kostar kr.100,- pr. år og kan teiknast ved oppmøte.

Bilde av skyttarar
Vis arrangement →
Bli kjend-treff
feb.
3.

Bli kjend-treff

Bli kjend-treff på Oppstryn skule!

Ukrainarane som bur i bygda vil lage mat, og inviterer alle til å kome - både for å smake på ukrainske spesialitetar, og for å bli kjende.

  • Smaksprøvar

  • Sosialt samvær

  • Lett program v/ nokre av skuleborna

  • Leikar for born i gymsalen

Alle velkomne!

Arr. Oppstryn bygdekvinnelag

Vis arrangement →