Kalender for Oppstryn
Med forbehold om endringar.
Manglar eit arrangement? Legg til arrangement her.
Haustmarknad
Haustmarknad i/ved Oppstryn Grendahus Trudvang laurdag 26. september kl. 12.00 - 17.00.
Sal av lokale varer.
Utstilling og kafe inne 26. og 27. september
4H Haustfest
Velkomne til årets haustfest for 4H!
14:00: Haustfest! Dørene opnar. Utstilling, lynlotteri og sosialt.
15:00: Program og merkeutdeling
16:00: Matøkt. Betasuppe med brød.
Kvar familie tek med eit fat kaffimat.
Vel møtt!
Teater Vestland: Den dagen Nils Vik døde
«Litterært gull! Terningkast 6 til årets Brageprisvinner» VG
Som det første teateret i landet tar Teater Vestland Nils Vik til scena. Stykket har urpremiere i Nynorskhuset i august, før det skal på turné til grendehus i Vestland og til Bergen som gjestespel på Det Vestnorske Teateret.
Om stykket:
Ein småsur novembermorgon dreg skysskaren Nils Vik på ei siste reis ut fjorden. Motoren går som alltid, litt stotrande og sta, akkurat som han sjølv. Hjartet slår i takt med båten han har levd med heile livet. Dette er ikkje berre ein tur. Det er finalen.
Frå loggbøkene strøymer folk fram som gamle spøkelse med gode historier: passasjerar i storm og stille, kåte ungdommar, tause gamle karar og alle dei rare, fine og litt skakke eksistensane han har frakta over fjorden gjennom eit heilt liv.
Luna, hunden med doble sjøbein, kjem logrande. Og der, i horisonten, ventar ho. Kona. Kanskje den viktigaste passasjeren av alle.
Dette er ei forteljing full av liv, latter, lengsel – og litt diesel.
Nils Vik er frå ei anna tid. I dag kan vi handle middag, sjå ein serie og legge oss utan å snakke med eit einaste menneske. Så kom i teatret. Få salt i håret, litt varme i brystet og ein solid dose menneskeleg kontakt. For ja: Einsemd er like farleg som å røyke 20 sigg om dagen. Denne framsyninga er mykje sunnare.
Sagt om boka:
«At en død hund kan snakke, virker som den mest naturlige ting i verden. Det er godt gjort.» AFTENPOSTEN
«Med kjærleiken som ledestjerne let Frode Grytten reisa mot døden blir ei feiring av livet.» NRK
«Lengselen etter ektefellen er motoren i en roman som løfter frem det helt vanlige livet på en ualminnelig betagende måte.» AFTENPOSTEN
Frå bok til teater:
Frode Grytten er kjend for den unike evna si til å teikna treffande mini-portrett av folk. Den dagen Nils Vik døde har vunne både Brageprisen og Bibliotekets litteraturpris, og den dukka opp på mangfaldige lister over årets beste romanar då den blei utgitt i 2023. Boka er selt til meir enn tjue land.
Birgitte Strid har regi og scenografi. Vår eigen teatersjef Aslak Moe har dramatisert boka for scena. Gard Gitlestad har lysdesign, og på scena står Kyrre Eikås Ottersen.
Av Frode Grytten
Dramatisert av Aslak Moe
På scena Kyrre Eikås Ottersen
Kunstnarleg lag
Regi, scenografi og kostymedesign Birgitte Strid
Lysdesign Gard Gitlestad
Lyddesign Kato Ådland
Alt du ser og høyrer på scena er tilverka på teateret sine verkstader.
Open gard
OPEN GARD PÅ KIRKEEIDE SAMDRIFT 30. AUGUST KL. 12:00-16:00
STAD: Strynevegen 331, 6783 Stryn
AKTIVITETAR
Møt forskjellige husdyr
Aktivitetar for barn og unge
Sal av kaffi, kaker og pølse
Smaksprøver frå Tine
Bygg di eiga fuglekasse
Sal av grønsaker frå lokale produsentar
Prøv deg sjølv på enhjulssykkel!
Opa kyrkje
Det vert opa kyrkje kl 16.00 - 20.00 fredag 28. august for å kveikje lys for vår kjære HM Kong Harald sin bortgong.
Gudsteneste i Bombeneset
Dei nye konfirmantane blir presentert, og det vert konfirmasjonsjubileum for dei som var konfirmerte i 1975 og 1976. Kaffi og noko attåt.
Dato: 23.08.2026
Sted: Bombeneset
Tid: kl. 11:00
Tittel: Friluftsgudsteneste med konfirmantpresentasjon
Nattverd
Fiskefestival, Ta Sjansen og dans
Vi held fram suksessen med Fiskefestival, Ta Sjansen og dans, vi nyttar fjæra ved Jostedalsbreen Nasjonalparksenter.
Kvelden vert avslutta med dans på Matstova med Kathe Sunde (18 år)
10:00 Fiskefestival
Påmelding frå kl. 10.00 ved Jostedalsbreen Nasjonalparksenter.
Fiskekonkurransen varer til 15.00, veging av fisk til 15.30
Deltakaravgift 100,-
Premiering
16:00 Ta Sjansen
Galskapen held fram. Tar du utfordringa? Utfordre ein venn, ein kollega, ei bedrift eller familien? Finn fram teiknesaker og start planlegging av årets raskaste båt eller rett og slett årets fiasko no!!Bli med og gjer dagen til ein folkefest!
Hovudpremien går til beste show/gjennomførte båt.
For dykk som vil delta:
Maksimum mål båtar 1,2m brei og 1,6m lang.
Deltakar må bruke hjelm og redningsvest, og vere sømjedyktig.
100,- pr deltakar.
Meld deg på her eller til Terje på tlf 90116071.
Premieutdeling etter båtsleppet.
Dans på Matstova med Kathe Sunde
Dørene opnar 20.00
Billett 200,-
Skjenkeløyve, 18 år
Olsokgudsteneste
Dato: 29.07.2026
Sted: Oppstryn kyrkje
Tid: kl. 20:00
Tittel: Gudsteneste
Prekentekst: Joh 12,24-26
Nattverd: Ja
Sommarkafe i Edal skulehus
Søndag 19. juli er det sommarkafe ved Erdal skulehus. Vi sel varmmat, kaffi og kaker frå kl. 13.00
Program med tema “Folkesong i Oppstryn” kl 15:00.
Og hugs slåttedugnad 18. juli! Ta med reiskap og arbeidslyst.
Hjarteleg velkomne!
VM på storskjerm: Norge-England
Vi er klar for kvartfinale mellom Norge og England!
Dørene opnar kl 20:00. Oppvarmings-quiz kl 21:00.
Kampstart 23.00.
Kiosk
Ope for alle! Ingen inngangsbillett.
Arr: Oppstryn Ungdomslag
VM på storskjerm: Norge-Brasil
Vi er klar for 1/8 finale mellom Brasil og Norge!
Kampstart 22.00. Dørene opnar 20.30.
Kiosk med pizza
Ope for alle!
VM på storskjerm: Norge-Elfenbenskysten
Oppstryn Ungdomslag og Oppstryn Grendahus Trudvang jobbar med å sette opp storskjerm og viser VM-kampen mellom Elfenbenskysten - Norge.
Kampstart 19.00
Kiosk
Alle velkomne!
Gudsteneste
Dato: 28.06.2026
Sted: Oppstryn kyrkje
Tid: kl. 11:00
Tittel: Gudsteneste
Prekentekst: Matt 7,15-20
Nattverd: Ja
Jonsokfeiring
Velkomne til Jonsokfeiring i Lund på Hjelle!
Fotballkamp
Jonsokbrurefølgje
Leikar
Bål (om veret høver)
Sal av mat
Arr.: Oppstryn ungdomslag og Oppstryn bygdekvinnelag
4H overnattingstur Erdalssetra
Overnatting på Erdalssætra for alle i Oppstryn mellom 9-18 år! Du treng altså ikkje vere medlem i 4H for å delta.
4H lagar pølse med brød på kvelden. Ta med mat til to måltid, brødmåltid eller rett i koppen, vi ordnar varmt vatn. Du kan og ta med litt snacks om du vil ha.
4H ordnar telt. Ta med sovepose, liggeunderlag og kle etter vêret.
Oppmøte på Loppeset (parkeringsplassen) klokka 15.00
Påmelding til Anne Jorunn 91319498 innan torsdag 18. juni!
Helsing styret i Fossekallen 4H
Dugnad Lund stadion
Oppstryn IL arrangerer dugnad I Lund 16. juni kl. 18-21.
Det er behov for ei opprydding, og vi ønskjer at både medlemer av idrettslaget og andre kan bidra.
Strynefestivalen
I juni samlast ski- og brettkøyrarar, syklistar, klatrarar, padlarar, turfolk og ikkje minst publikum til ei langhelg spekka med opplevingar og utfordringar i eit av Noregs vakraste naturområde.
Dyktige instruktørar held kurs og clinics innan klatring, kajakkpadling, elvepadling, sykling, SUP, ski/brett og tryggleik. Du kan delta på korte og lenger toppturar og du kan melde deg på Folven River Race i Stryneelva! I tillegg blir det sosiale aktivitetar og ein solid fest på Folven Camping!
Strynefestivalen vert arrangert av Fri Flyt sine magasin: Fri Flyt, UTE, Klatring, Terrengsykkel og Landevei.
Onsdagskafe
ONSDAGSKAFE frå 13.00-15.00! Påsmurt, kake og kaffi
Velkomne!
Arr: Oppstryn Bygdekvinnelag
Med forbehold om endringar. Følg gjerne med på Matstova sine Facebook-sider.
Dugnad badestranda i Lund
DUGNAD - RYDDING AV BADESTRENDER
Gardssanden: Torsdag 21. mai kl 18
Lund: Onsdag 27. mai kl 18
Ta med rive og arbeidshanskar. Om det skal brennast, vert det avklara med brannvesenet.
ALLE VELKOMNE!
Arrangørar:
Oppstryn bygdeutviklingslag (OBUL)
Oppstryn idrettslag (OIL)
Oppstryn ungdomslag (OUL)
Oppstryn bondelag (OBL)
Oppstryn bygdekvinnelag (OBK
Høgtidsgudsteneste
Dato: 24.05.2026
Sted: Oppstryn kyrkje
Tid: kl. 13:00
Tittel: Høgtidsgudsteneste
Prekentekst: Joh 20,19-23
Organist: Olha Prykhodko
Nattverd: Ja
Vi feirar pinse, kyrkja sin fødselsdag.
Dugnad Gardssanden
DUGNAD - RYDDING AV BADESTRENDER
Gardssanden: Torsdag 21. mai kl 18
Lund: Onsdag 27. mai kl 18
Ta med rive og arbeidshanskar. Om det skal brennast, vert det avklara med brannvesenet.
ALLE VELKOMNE!
Arrangørar:
Oppstryn bygdeutviklingslag (OBUL)
Oppstryn idrettslag (OIL)
Oppstryn ungdomslag (OUL)
Oppstryn bondelag (OBL)
Oppstryn bygdekvinnelag (OBK
17. mai feiring
11.00 Festgudsteneste i Oppstryn kyrkje
11.45 Kransenedlegging ved minnestøtta Oppstryn kyrkje ved Johan Berge
12.30 Folketog frå Hjelle Hotel til Oppstryn skule og barnehage
Musikk ved Stryn Musikklag
Programleiar Mons Rune Guddal
Tale for dagen ved Ingolf Folven
Programinnslag ved elevar på skulen
Leikar, hesteskokasting, spikarslag og natursti
Kaker, kaffi, pølser, brus og is!
20.00 Festkveld i Oppstryn Grendahus
Programleiar Terje Guddal
Hjelleklang
Sundalen fager og fårleg ved Nils Dårflot og John-Eirik Greidung
Utdeling av Bygdeprisen 2026 ved Ingvild Berge, Oppstryn Bygdeutviklingslag
Premiering. Lynlotteri
Kaker, kaffi, pølser, brus og is!
Alle velkomne!
Festgudsteneste
Dato: 17.05.2026
Sted: Oppstryn kyrkje
Tid: kl. 11:00
Tittel: Gudsteneste
Prekentekst: Luk 1,50-53
Organist: Olha Prykhodko
Vi feirar nasjonaldagen med gudsteneste i kyrkja.
Onsdagskafe
ONSDAGSKAFE frå 13.00-15.00! Påsmurt, kake og kaffi
Velkomne!
Arr: Oppstryn Bygdekvinnelag
Med forbehold om endringar. Følg gjerne med på Matstova sine Facebook-sider.
Konfirmasjonsgudsteneste
Dato: 09.05.2026
Sted: Oppstryn kyrkje
Tid: kl. 11:00
Tittel: Konfirmasjonsgudsteneste
Prekentekst: Joh 15,1-8
Offisiell opning Gamle Sundal gard
Velkomen til ein kjekk dag for store og små på Gamle Sundal gard fredag 1. mai!
PROGRAM:
Oppstart kl. 12.30
OFFISIELL OPNING KL. 13.00
Aktivitetar for born
Guida runde på garden
Kulturelle innslag
Inga påmelding, berre å møte opp!
Ta med familie og vener – dette blir ein triveleg dag i fine omgjevnader!
Bomveg (5 km). Parker på oppmerka p-plass omlag 300-400 m før Sundalsbakken
Gudsteneste
Dato: 26.04.2026
Sted: Oppstryn kyrkje
Tid: kl. 11:00
Tittel: Gudsteneste
Prekentekst: Joh 16,16-22
Nattverd: Ja
Dugnad på kyrkjegarden
Onsdag 22. april frå kl 17:00.
Ta gjerne med utstyr for rydding ute. Det er også mogleg p vaske litt innvendig, t.d. sølvpuss.
Vi serverer kaffi med noko attåt.
Dersom du vil vere med på dugnad, men ikkje kan møte denne dagen, kan du møte ein annan dag. Avtal gjerne med nokon i soknerådet.
Velkomne.
Arr: Oppstryn Sokneråd
Åsmøte Opppstryn Bygdeutviklingslag
Årsmøte i Oppstryn Bygdeutviklingslag, måndag 20.03 klokka 20:00 på Nygård kro.
Kaffimat
Vanlege årsmøtesaker
Ymse
Innkomande saker til årsmøtet meldast til Frank Guddal på epost: frankguddal.95@hotmail.com innan 13.april
Alle velkomne!!
Styret Oppstryn Bygdeutviklingslag
Gudsteneste
Dato: 05.04.2026
Sted: Oppstryn kyrkje
Tid: kl. 13:00
Tittel: Gudsteneste
Prekentekst: Luk 24,1-9
Dåp: Ja
Nattverd: Ja